Lo Quasernet de la Clau.

Lo Quasernet de la Clau,

l'agenda òc preu periòde deu

15 de noveme au 6 de deceme.

 

 

Un chicòt de ràdio en òc.

L'aute doman, lo dissabte 17 de noveme, desbrembatz pas d'escotar, de 9 a 10 òras deu matin, sus la ràdio R2M (ràdio Entre Deux Mers), 98.4 o www.re2m.com, desbrembatz pas d'escotar l'emission "Adishatz" de l'amic Alan.

L'Alan arculharà Cristòf Miquèu, president de l'Union de las 8 vilas-bastidas en Gironda, que son las de, per òrdi alfabetic, Blasimon, Cadilhac-de-Garona, Creon, Liborna, Montsegur, Pelagrua, Senta Fé e Sauvatèrra de Guiaina.

Au telefòn, Bruno Duranton parlarà de la plaça de l'occitan dens la navèra refòrma deu bachelierat.

E sàpitz qu'es cada dissabte de 9 a 10 òras deu matin, e cada dimarç de 6 a 7 òras deu seir, e que podetz tanben l'escotar en podcast e lo tornar escotar quan ic voletz suu siti mentavut.

 

Un chicòt de telé en òc.

De mancar pas, cada dimenge a 11 òras e mija, sus França 3-Aquitània, l'emission Cont(r)adas.

Aquista emission a per vocacion de contar la cultura occitana e d'encontrar los que la hèn víver. Tot aquò es sos-titulat en francés.

Fau saber que, en occitan, contradas significa contrées ou territoires. Se tiram la r, avem lavetz contadas que vòu díser racontées.

 

Un chicòt de cinéma.

Actuaument, dens lo Bordalés, podetz anar véser lo film "Le Grand Bal", es-a-díser lo gran balèti d'estiu a Génétines.

Tres possibilitats : sii lo dissabte 17 desseir, a Blancafòrt, au cinéma Les Colonnes, sii lo dijaus 29 a 8 òras 15 deu seir, a Cestàs, au cinéma Le Rex, sii lo divés 30 desseir, a Cadilhac, au cinema Lux.

Dens los tres còps, la projeccion serà seguida d'un balèti tradicionau, dab Ginginha Gratis a Blancafòrt e Cadilhac, dab En Cadéncia a Cestàs.

 

Un chicòt de balètis trad.

- Lo dissabte 17, au castèth Palmer de Cenon, una jornada Gasconha, dab estagis e balèti. Estagis de dança o de cant o de vriolon o de còrdas o de viela de 9 òras dinc a 6 òras e mija deu seir. Puish, a 9 òras, bal trad/fòlc dab Appi Folk Band, Duo Madiers, Trio Toctoucau e ZanzibarBal.

- Lo dissabte 17 tanben, a Bordèu, Hala deus Chartrons, 8 òras e mija deu seir, Bal en-chanté dab Les Choraleurs e La Volière.

- Totjorn lo 17, a Civrac/Dordonha, 9 òras, bal dab Hastapen, lo vrèspe, 3 òras, estagi de danças bascas.

- Lo dimenge 18, a Gradinhan, sala Loisirs deu Parc de la Taneria, Dimenge trad de las Familhas. A gratis.

- Lo dissabte 24, a Pessac, sala Bellegrave, 9 òras deu seir, bal trad/basc dab Bildu.

- Lo divés 30, a Broquèiran, 6 òras e mija, talhèr de danças seguit, a 9 òras, per un baleti empont dobèrt.

- Lo dissabte 1èir de deceme, a Gradinhan, a la Taneria, bal trad dab Mascaret.

- En medish temps a Noalhan bal dab Les Baladoucs e Les Couineurs de Trad.

 

Un chicòt d'espectacles.

- Nadau serà en concèrt aquiste dissabte 17 a Vasats, au Hall polivalent. Mes, ailàs, es tròp tard, tot es dejà complet ! Fau esperar lor retorn dens lo Bordalés, a l'Arena de Floirac, lo dissabte 23 de noveme ..., mes en 2019. Dens un an !

- Un espectacle teatrau. Serà lo dissabte 8 de deceme, au Teatre deu Pont tournant, a Bordèu-Bacalan. 8 òras e mija deu seir. Espectacle sonat R.R.R, valent-a-díser Radiò Realitat Rurau, una pèça deu Dominique Commet, un espectacle teatrau inedit descalat, bilingüe en francés/occitan de Gasconha, jogat per Cie CKC & Cie Parler Noir. Ne tornaram parlar lo còp venent, mes vau mélher se marcar abans (réserver).

De mei, podetz véser una presentacion vidéo de R.R.R. sus www.youtube.com/watch?v=S116hEtycgo.

 

E es atau que s'acaba lo Quasernet d'auei.

 

************************************************************************

 

 

 

Aucune note. Soyez le premier à attribuer une note !

Ajouter un commentaire
 

Créer un site gratuit avec e-monsite - Signaler un contenu illicite sur ce site