Lo Quasernet de la Clau.

Lo Quasernet de la Clau,

l'agenda òc.

 

 

Un chicòt de ràdio en òc.

L'aute doman, lo dissabte 22 de deceme, desbrembatz pas d'escotar, de 9 a 10 òras deu matin, sus la ràdio R2M (ràdio Entre Deux Mers), 98.4 o www.re2m.com, desbrembatz pas d'escotar l'emission "Adishatz" de l'amic Alan.

L'Alan vos arculhirà Julia Bonny per vos har descobrir "Lo iòga del rire", una activitat excepcionala (se dit qu'una minuta de iòga del rire correspon a dètz minutas de rema, de rama, sus Garona !).

Au telefòn, lo Silvan Carrère presentarà Radio Pais que pòrta nueit e jorn la lenga nòstra sus las ondas. D'escotar sus radiopais.com.

E lo Crestian Andreu parlarà de l'ors brun dins los Pirenèus.

E fin-fianu, i aurà un conte bilingüe, Lo còc (la galette) (qu'avem dejà entenut dens "la Clau d'òc").

E sàpitz qu'Adishatz es cada dissabte de 9 a 10 òras deu matin, e cada dimarç de 6 a 7 òras deu seir, e que podetz tanben l'escotar en podcast e lo tornar escotar quan ic voletz suu siti mentavut.

 

Un chicòt de cantas.

Lo grop Passa-Camin e la corala Votz de Galèrna perpausan una seria de concèrts de Cants de Nadau tradicionaus originaris de tots los parçans de lenga d'òc, Gasconha, Auvèrnha, Provença etc.

Aquistes concèrts son jogats dens mantuns vilas o vilatges de l'Enter-dus-Mars. Après Doulezon, Izon e Sent Macari, s'acabaràn dab dus autes,

- un lo divés 21, a Sauvatèrra-de-Guiana, a 7 òras deu seir a la Mediatèca, per una vesita guidada e cantada aus flambèus de la bastida,

- e fin-finau, lo dissabte 22 a La Clotte, a la gleisa a 3 òras deu vrèspe. Las entradas son liuras e a gratis.

Una precision, la galèrna o lo vent de galèrna, es lo vent d'oèst-nòrdoèst sus la mar grana, sus l'Atlantic.


     

Nadau, seguida.

Nadau, seguida.

De desbrembar pas tanpòc, lo dimenge 6 de gèir, dens l'Abàdia de Sent Fermer dens l'Enter dus mars, la grèpia viventa, lo presèp vivent (dab 60 personatges, un bueu, un ase, motons e autes animaus) e, a 11 òras, la missa cantada en occitan.

A l'una òra deu vrèspe, repaish gascon animat en cançons e danças per Le Poutou de Toulouse.

Nombre de plaças limitat, vos fau se marcar abans lo 4 de gèir au 06.14.77.04.73.

 

Quauques arresopets, revelhons.

Quauques arresopets, quauques revelhons, tradicionaus preu diluns 31 de deceme, per cambiar d'annada.

- A Genissac, sala de las Hèstas, a 8 òras, seirada tradicionau. Empont dobèrt preus musicians e cantaires. Repaish partatjat. Organizat per Passa Camin. 07.83.17.59.87.

- A Listrac-Medòc, arresopet dab Polkalune & Co. Es sus reservacion au 06.03.78.21.15.

- A Porchères, seirada revelhon dab danças e musicas tradicionaus, animada per Trad'Union. Repaish dab aprestaire de repaish (repas avec traiteur). Reservacion au 06.78.58.47.10.

- E, un chicòt mei lunh, a Feugarolles, en Òlt-e-Garona, revelhon trad dab Hastapen e Quartet trad'òc. Inscripcion au 06.71.16.50.23.

 

E es atau que s'acaba lo darrèir Quasernet de la Clau !

 

************************************************************************

 

 

 

Aucune note. Soyez le premier à attribuer une note !

Ajouter un commentaire
 

Créer un site gratuit avec e-monsite - Signaler un contenu illicite sur ce site

×